د ۱۲ ورځنۍ جګړې
د ۱۲ ورځنۍ جګړه، چې د اسراییلو په غلطو محاسبو او د امریکا په ملاتړ د ایران پر ضد پېښه شوه، د سیمې په معاصر تاریخ کې له تر ټولو مهمو ستراتیژیکو پېښو څخه ده. دغه جګړه نه یوازې د منځني ختیځ د امنیت معادلې بدلې کړې، بلکې د ایران واک او اقتدار یې د هغه د پخوانیو دښمنانو په وړاندې ښکاره کړ او مسلمانو ملتونو او د ایران ګاونډیانو ته یې داسې پیغام واستاوه: «ایران یو ځواکمن او د باور وړ ګاونډی دی.»
په لومړي سر کې، دغه جګړه وښوده چې نننۍ مبارزه نور یوازې پوځي نه ده، بلکې د رسنیو، اقتصاد، ډیپلوماسۍ او نرمې جګړې یو مرکب ډګر دی. په دویم سر کې څرګنده شوه چې دا جګړه د اسلام او کفر تر منځ ده؛ د دولتونو او سیاسي نظامونو موضوع یوازې یو پټنی ده. نو اوس بنسټیزه پوښتنه دا ده: د ۱۲ ورځنۍ جګړې ماهیت او پایلې څه وې، او د هغې سمه روایت به د سیمې او په ځانګړې توګه د افغانستان او ایران په اړیکو څه اغېز ولري؟
يوه جګړه له پولو هاخوا : له نظامي تقابل تر د روایتونو جګړې
د ۱۲ ورځنۍ جګړه یوازې د ایران او صهیونېستي رژیم تر منځ ټکر نه و، بلکې دا د نړۍ د هغو قوتونو او د اسلامي امت، په ځانګړې توګه د ایران په مشري د مقاومت جبهې تر منځ یوه پراخه مقابلې صحنه وه. د عملیاتو قومانده په مستقیم ډول د امریکا او سنتکام په لاس کې وه او صهیونېستي رژیم په حقیقت کې د اجرا کوونکي رول درلود. له بلې خوا، د دې جګړې د رسنیو بُعد هم ډېر څرګند و.
لویدیځو رسنیو هڅه کوله چې جګړه کمه وښيي او تحریف شوي روایتونه خپاره کړي، خو حقیقت دا دی چې د صهیونېستي رژیم ماتې، په ځانګړې توګه د جګړې په وروستیو ورځو کې او د ایران د بالستیکي توغندیو په لګېدو سره، پر دې رژیم یوه حیثيتي ضربه ولګوله. د دې جګړې سمه روایت هم هغومره اهمیت لري لکه د ایران پوځي بری.
د مقابلې ماهیت؛ د خیر او شر جګړه په ټیکنالوژۍ او سیاست پوښ کې
د دې جګړې ماهیت یوازې د یوې محدودې نظامي شخړې په چوکاټ کې نه تشریح کېدای شي. اصلي جوهر یې د حق او باطل، د ایمان او کفر ترمنځ ټکر و؛ خو په عملیاتي کچه امریکا او صهیونیزم د سخت او نرم ځواکونو د یو ترکیب له لارې میدان ته داخل شول: سایبري عملیات، رواني جګړه، اقتصادي فشارونه، ډیپلوماسي او د نړیوالې افکارو تحریک.
په هر صورت، ایران د خپلو ځینو بازدارندوی توانونو په کارولو وښودل چې کولای شي په څو جبهو یو وخت دفاع وکړي او حتی جګړه تر اشغالي سیمو او د امریکا تر اډو پورې وغځوي. له همدې امله، دا جګړه یوازې سیمه ییز تقابل نه و، بل یوه نړیواله مقابله وه د غربي سلطې د نظام او د اسلامي مقاومت جبهې ترمنځ — هغه نظام چې پر ظلم او تسلط ولاړ و او اوس د هېوادونو د ایمان او خپلواکۍ له خوا ننګول کېږي.
د ۱۲ ورځنۍ جګړې د امریکا او اسراییلو د ماتې ستراتیژیکې پایلې او سیمهییز فرصتونه
په ۱۲ ورځنۍ جګړه کې د اسراییلو او امریکا ماتې له میدان جګړې څخه ډېرې پراخې پایلې لرلې. یو اړخ ته صهیونېستي رژیم د مشروعیت په کړکېچ او د خپل مخنیوي ځواک په کمزورتیا کې ښکته شوی، او بل اړخ ته امریکا د سیمې په عامه افکارو او حتی د خپلو متحدینو په سترګو کې د یو ماتېدلي او ستړي شوی لوبغاړي په توګه پېژندل شوې ده. دغه بدلونونو د ایران د موقف ځواکمنول له ځان سره راوړل او خپلو ګاونډیانو ته یې وښودله چې ایران کولای شي د سیمې د ثبات او امنیت ستنه وي.
د ۱۲ ورځنۍ جګړې د سمه روایت روښانه کول د ټولو اسلامي هېوادونو لپاره حیاتي اهمیت لري، خو د افغانستان لپاره دا اهمیت لا ډېر دی. ځکه هغه دښمنان چې د ایران پر ضد وو — یعنې امریکا او صهیونېستي رژیم — هماغه دښمنان دي چې کلونه یې د اشغال، بمبارۍ، ترور او د بېوزلۍ او ناامنیو په تحمیل سره افغانستان ته ډېر زیانونه واړول.
نن څرګنده ده چې د صهیونېستي رژیم ماتول او مهارول یوازې د ایران په ګټه نه دي، بلکې د ټول اسلامي امت په ګټه دي. دغه رژیم باید په داسې فشار کې راولو چې نور د ساه اخیستو فرصت ونلري. په همدې منځ کې، افغانستان له یوه تاریخي فرصت سره مخ دی: له ایران سره سیاسي او ستراتیژیکه همکاري کولای شي د سیمه ییزې همغږۍ لپاره بنسټ شي او د مقاومت جبهه د غربي تسلط پر وړاندې لا پیاوړې کړي.
پایله
د ایران او امریکا — اسراییلو تر منځ ۱۲ ورځنۍ جګړې په څرګنده توګه وښوده چې د سیمې د قدرت معادلې په بدلېدو دي او نور هغه نظم چې امریکا او صهیونېستي رژیم یې غواړي، نه شي ګڼل کېدای چې لکه پخوا پیاوړی پاتې شي. دغه جګړه یوه مهمه نقطه وه چې د دښمنانو د جوړښتي کمزورتیاوې څرګندې کړې او د ایران د بازدارندګۍ او مقاومت وړتیا یې په ډاګه کړه.
په ورته وخت کې د دې جګړې پیغام د ټولو اسلامي هېوادونو — په ځانګړې توګه افغانستان — لپاره حیاتي دی: هغه دښمني چې ایران یې هدف وګرځاوه، هماغه دښمني ده چې کلونه یې افغانستان اشغال او ویجاړ کړی. له همدې امله اړینه ده چې مسلمان ملتونه په یووالي او همبستګۍ سره نه یوازې صهیونېستي رژیم، بلکې د نړیوال استکبار ټول جوړښت په چیلنج کړي.
عایشه ببرک خېل
